am 
en 
Հատուկ առաջարկներ 
Վաստակի՛ր, կուտակի՛ր, բազմապատկի՛ր:
Հատուկ առաջարկի շրջանակում դինամիկ ավանդ ներդնելիս Հաճախորդները կստանան 50% զեղչ անհատական պահատուփերի վարձակալության համար։
Առաջարկը գործում է նոր ներդրվող ավանդների համար և ուժի մեջ է մինչև դեկտեմբերի 31-ը։
Անհատական պահատուփերի վարձակալության մանրամասները հասանելի են այստեղ։
- Դինամիկ (համալրվող) ավանդը ներդրվում է ՀՀ դրամ, ԱՄՆ դոլար և եվրո արժույթներով:
- Դինամիկ ավանդը կուտակային է, և ավանդի գործողության ընթացքում, բացառությամբ դրա ավարտին նախորդող երեք ամսվա ընթացքում, Հաճախորդը կարող է համալրել ավանդը դրամական միջոցներով:
- Ավանդային հաշվին չեն կարող մուտքագրվել երրորդ անձանցից ստացված դրամական միջոցներ։
- Դինամիկ ավանդի դիմաց տոկոսները վճարվում են եռամսյակը մեկ Հաճախորդի քարտային հաշվին կատարվող փոխանցումով:
- Դինամիկ ավանդի ձևակերպման պահից հինգ օրվա ընթացքում Հաճախորդին իր իսկ ցանկությամբ (բացառությամբ մինչև քսանմեկ տարեկան Հաճախորդների) տրամադրվում է օվերդրաֆտի հնարավորությամբ դեբետային քարտ (Mastercard Standard/Gold)՝ ներդրված ավանդի ժամկետով: Օվերդրաֆտը տրամադրվում է միայն ՀՀ դրամով և ավանդի մինչև 83.3%-ի չափով, եթե ավանդը ներդրվել է դրամով, և մինչև 66.7%-ի չափով, եթե ավանդը ներդրվել է այլ արժույթով:
- Օվերդրաֆտի տարեկան փաստացի տոկոսադրույքը Հաճախորդի վարկավորման ընդհանուր ծախսն է, որը ներառում է տոկոսագումարները և Օվերդրաֆտի հետ կապված Հաճախորդի այլ վճարումները (առկայության դեպքում): Տարեկան փաստացի տոկոսադրույքը կարող է փոփոխվել տոկոսադրույքի փոփոխության, օվերդրաֆտը կանխիկ կամ անկախիկ օգտագործելու դեպքում:
- Օգտագործված Օվերդրաֆտի տոկոսները պետք է վճարվեն յուրաքանչյուր ամիս (Հաճախորդի հետ նախապես համաձայնեցված օրը)՝ քարտային հաշվին համապատասխան միջոցները մուտքագրելով՝ անկախ Օվերդրաֆտն օգտագործելու ամսաթվից:
- Համապատասխան պարտավորության առկայության դեպքում Դինամիկ ավանդի դիմաց հաշվեգրված և քարտային հաշվին վճարված տոկոսագումարների հաշվին կմարվեն Օվերդրաֆտի դիմաց հաշվարկված տոկոսները:
- Օվերդրաֆտի տարեկան տոկոսադրույքը հաշվարկվում է օրական:
- Մինչև ժամկետի ավարտը Դինամիկ ավանդը ենթակա է վերադարձի Հաճախորդի առաջին իսկ պահանջով: Ավանդի մասնակի վերադարձ չի կատարվում: Դինամիկ ավանդը ժամկետից շուտ վերադարձնելիս կատարվում է վերահաշվարկ՝ հիմք ընդունելով վերադարձման պահին Բանկում տվյալ արժույթով Պարզ խնայողական հաշվի համար գործող տոկոսադրույքը: Վերահաշվարկի արդյունքում Հաճախորդին հարկ եղածից ավելի տոկոսներ վճարված լինելու դեպքում դրանք հաշվանցվում են վերադարձի ենթակա ավանդի գումարից, այնուհետև ավանդի գումարը տրամադրվում է Հաճախորդին:
- Դինամիկ ավանդն իր ժամկետի ավարտին կարող է երկարաձգվել նույն ժամկետով, եթե առկա է այդ մասին Հաճախորդի գրավոր համաձայնությունը կամ գրավոր հանձնարարականը: Եթե ավանդի երկարաձգման օրը ոչ աշխատանքային է, ապա ավանդը երկարաձգվում է դրան հաջորդող առաջիկա աշխատանքային օրը:
- Ավանդի գումարը կանխիկացնելու դեպքում կիրառվում է կանխիկացման վճար Բանկում գործող Սակագների համաձայն, բացառությամբ այն միջոցների, որոնք որպես ավանդ մուտքագրվել էին կանխիկ ձևով:
- Ավանդի պայմանագրի գործողության ընթացքում պայմանագրով սահմանված տոկոսների չափը չի կարող միակողմանի նվազեցվել Բանկի կողմից:
- Ավանդի դիմաց տոկոսները հաշվարկվում են հիմք ընդունելով 365 (երեք հարյուր վաթսունհինգ) օր օրացույցային տարին: Հաշվարկված տոկոսագումարները մուտքագրվում են ավանդատուի քարտային հաշվին: ՀՀ դրամով ավանդի տոկոսները վճարվում են ՀՀ դրամով, իսկ արտարժութային ավանդի դեպքում՝ Հաճախորդի ցանկությամբ ՀՀ դրամով կամ ավանդի արտարժույթով՝ անհրաժեշտության դեպքում կատարելով արտարժույթի փոխարկում ՀՀ դրամի՝ Բանկի կողմից սահմանած փոխարժեքով:
- Բանկի և Հաճախորդի միջև ծագած վեճերը ենթակա են ՀՀ դատարանների իրավասությանը։ Դինամիկ ավանդի սպասարկման կապակցությամբ Հաճախորդի բողոք-պահանջները կարող են ներկայացվել նաև Ֆինանսական համակարգի հաշտարարին՝ «Ֆինանսական համակարգի հաշտարարի մասին» ՀՀ օրենքով սահմանված կարգով: Բանկը կարող է հրաժարվել Ֆինանսական համակարգի հաշտարարի որոշումները վիճարկելու իրավունքից, եթե Հաճախորդի կողմից Բանկի դեմ ներկայացված գույքային պահանջը չի գերազանցում 250,000 ՀՀ դրամը կամ դրան համարժեք արտարժույթը, և գործարքի գումարը չի գերազանցում 500,000 ՀՀ դրամը կամ դրան համարժեք արտարժույթը: Դա նշանակում է, որ Բանկը չի կարող վիճարկել վերոնշյալ պայմաններին բավարարող պահանջներով Ֆինանսական համակարգի հաշտարարի կողմից Բանկի դեմ կայացրած վճիռները:
- ՀՀ Հարկային օրենսգրքի համաձայն ֆիզիկական անձ հանդիսացող ավանդատուին հաշվեգրված տոկոսները վճարելիս Բանկը հանդես է գալիս որպես ավանդատուի հարկային գործակալ, գանձում է եկամտային հարկ եկամտի (վճարվող տոկոսագումարի) 10%-ի չափով և փոխանցում ՀՀ պետական բյուջե:
- Տոկոսները հաշվարկվում են ավանդի ներդրման օրվանից մինչև ավանդի ժամկետի ավարտի նախորդող օրը:
| Արժույթ | Գումար | 12 ամիս | 18 ամիս | 24 ամիս |
|---|---|---|---|---|
|
ՀՀ դրամ
|
500,000 - 90,000,000
|
9.5%
|
9.75%
|
10%
|
|
ԱՄՆ դոլար
|
1,000 - 180,000
|
4%
|
4%
|
4.25%
|
|
Եվրո
|
1,000 - 150,000
|
1.25%
|
1.5%
|
2.25%
|
Տոկոսագումարը հաշվարկվում է օրական՝ հաշվին առկա մնացորդի նկատմամբ։
Վաղաժամկետ դադարեցման դեպքում կուտակված տոկոսները վերահաշվարկվում են համապատասխան արժույթի Պարզ խնայողական հաշվի տոկոսադրույքով`
Պարզ խնայողական հաշվի տոկոսադրույք
Արժույթը | Տոկոսադրուքը |
ՀՀ դրամ | 4.00% |
ԱՄՆ դոլար | 1.00% |
Եվրո | 0.10% |
Դինամիկ ավանդի տարեկան տոկոսային եկամտաբերությունը կազմում է`
Արժույթը | Տոկոսադրուքը |
ՀՀ դրամ | 9.84%-10.38% |
ԱՄՆ դոլար | 4.06%-4.32% |
Եվրո | 1.26%-2.27% |
Ձեր հաշվում առկա միջոցների նկատմամբ տոկոսագումարները հաշվարկվում են անվանական տոկոսադրույքի հիման վրա: Իսկ տարեկան տոկոսային եկամտաբերությունը ցույց է տալիս, թե որքան կստանայիք Դուք, եթե Ձեր ավանդի դիմաց ստացված տոկոսադրույքները վերաներդնեիք ավանդի տեսքով:
| Անվանում | Սակագին* |
|---|---|
|
Հաշվից քաղվածքների տրամադրում
|
|
|
յուրաքանչյուր ամիս
|
անվճար
|
|
լրացուցիչ` մինչև 6 ամիս**
|
3,000
|
|
լրացուցիչ` 6 ամսից ավելի**
|
6,000
|
|
Հաշվի վերաբերյալ տեղեկանքի տրամադրում**
|
3,000
|
|
Ներքին լիազորագրի հաստատում**
|
5,000
|
|
Հրահանգներ տելեքսով, ֆաքսով կամ էլ-փոստով (տարեկան)
|
20,000
|
|
Աուդիտի նպատակով հաշվի վերաբերյալ տեղեկությունների տրամադրում**
|
10,000
|
|
Կանխիկ միջոցների մուտքագրում հաշիվներին՝ ՀՀ դրամ/ԱՄՆ դոլար/Եվրո
|
0%
|
|
Կանխիկ 500 Եվրո թղթադրամի մուտքագրում ցանկացած հաշվին
|
1%
|
|
Կանխիկ միջոցների ելքագրում ընթացիկ հաշիվներից կանխիկ մուտքագրված միջոցների դիմաց (ՀՀ դրամ/ԱՄՆ դոլար/Եվրո)
|
0%
|
|
ԱՄՆ դոլար կանխիկացում հաշիվներից անկանխիկ մուտքագրման դիմաց
|
1.5%
|
|
Եվրո կանխիկացում հաշիվներից անկանխիկ մուտքագրման դիմաց
|
1.5%
|
|
ՀՀ դրամով կանխիկացում հաշվից անկանխիկ մուտքագրման դիմաց
|
0.2%
|
|
Բանկի կողմից գնանշվող արտարժույթով հնամաշ թղթադրամի փոխանակում
|
3%
|
|
Մինչև 2004թ․ թողարկված 5, 10, 20, 50 ԱՄՆ դոլար արժողությամբ և մինչև 2009թ․ թողարկված 100 ԱՄՆ դոլար արժողությամբ թղթադրամի մուտքագրում***
|
1%
|
|
Մինչև 2004թ․ թողարկված 5, 10, 20, 50 ԱՄՆ դոլար արժողությամբ և մինչև 2009թ․ թողարկված 100 ԱՄՆ դոլար արժողությամբ թղթադրամի կանխիկացում
|
0%
|
*Սակագները ներկայացված են ՀՀ դրամով
**Ներառյալ ԱԱՀ
***Նշված թղթադրամներով օրական ընդհանուր մինչև 1000 ԱՄՆ դոլարի ընդունումն իրականացվում է առանց միջնորդավճարի։
Նշում․ Մինչև 2016թ․ հունվարի 1-ը թողարկված անգլիական ֆունտ արժողությամբ թղթադրամներ Բանկի կողմից չեն ընդունվում։
- Օվերդրաֆտի ձևակերպման գործընթացն իրականացվում է միայն Բիբլոս Բանկ Արմենիայի մասնաճյուղերում:
- Օվերդրաֆտը տրամադրվում է անկանխիկ՝ գումարը հաճախորդի քարտային հաշվին փոխանցելու միջոցով:
- Օվերդրաֆտը տրամադրվում է հաճախորդի կողմից մասնաճյուղում պայմանագրերը ստորագրելու օրվանից հաշված 3 աշխատանքային օրվա ընթացքում, եթե պահանջվող բոլոր փաստաթղթերը ներկայացվում են:
- Օվերդրաֆտի մարումներն իրականացվում են ամսական վճարումներով․ նախ՝ հաշվարկված տոկոսագումարը, հետո՝ մայր գումարը։ Տույժերի առկայության դեպքում դրանք վճարվում են առաջին հերթին:
- Օվերդրաֆտների վճարների ուշացման տույժը տարեկան 24% է։
- Օվերդրաֆտի տրամադրման դրական կամ բացասական որոշման կայացման վրա ազդող հիմնական գործոններն են՝
ա - վարկային պատմությունը,
բ - վարկի նպատակային օգտագործման հիմնավորվածությունը,
գ - վարկառուի կողմից տրամադրված տեղեկատվության իսկությունը,
դ - հաճախորդի վարկունակությունը (ֆինանսական վիճակ),
ե - հաճախորդի վարկարժանությունը (Վարկառուի անձնական որակներ, վարկ ստանալու իրավական խոչընդոտների բացակայություն և այլն):
Բիբլոս Բանկ Արմենիան Ձեր օվերդրաֆտի դիմումի վերաբերյալ որոշումը կկայացնի և այդ մասին Ձեզ կտեղեկացնի 7 աշխատանքային օրվա ընթացքում:
Վարկային պարտավորությունները ժամկետում չկատարելու դեպքում Վարկառուի մասին տեղեկատվությունը կարող է գրանցվել ՀՀ կենտրոնական բանկի վարկային ռեգիստրում և վարկային բյուրոներում, ինչը կարող է վատ ազդեցություն ունենալ Վարկառուի վարկային պատմության վրա և հետագայում խոչընդոտ հանդիսանալ վարկ ստանալու համար:
Բանկը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված՝ հաճախորդի պատշաճ ուսումնասիրության նպատակով կարող է «Ճանաչիր քո հաճախորդին» (Know Your Customer) սկզբունքի հիման վրա սպառողից պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ Հաճախորդին (նման պահանջի առկայության դեպքում):
Համաձայն «Օտարերկրյա հաշիվների հարկային համապատասխանության ակտի» (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի՝ Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում:
Վարկի մասին տեղեկությունները ներկայացված են նաև «Ձեր ֆինանսական տեղեկատուն»` www.fininfօ.am ինտերնետային էջում, որը ծառայությունների որոնման, համեմատման և Ձեզ համար ամենաարդյունավետ տարբերակի ընտրությունը հեշտացնող էլեկտրոնային համակարգ է:
Վարկային պայմանագիր կնքելուց հետո Բանկի հետ կարող եք հաղորդակցվել Ձեր նախընտրությամբ փոստային կապի միջոցով կամ Էլեկտրոնային եղանակով։ Էլեկտրոնային եղանակով տեղեկատվության ստացումը ամենահարմարն է: Այն հասանելի է 24/7 ռեժիմով, զերծ է թղթային տեղեկատվության կորստի ռիսկերից եվ ապահովում է գաղտնիություն։
Բոլոր միջնորդավճարները և վճարները գանձվում են քարտային հաշվից ՀՀ դրամով: Արտարժութային քարտային հաշվի դեպքում Բանկը իրավունք ունի գործարքի կատարման օրը արտարժույթը փոխարկել ՀՀ դրամի՝ տվյալ օրվա իր կողմից սահմանած փոխարժեքով: Եթե քարտով իրականացված գործարքի արժույթը տարբերվում է քարտային հաշվի արժույթից, Բանկը իրավունք ունի փոխարկել գործարքի արժույթը քարտի արժույթին՝ Սակագնում նշված փոխարժեքով:
| Ավանդի արժույթ | Օվերդրաֆտի տոկոսադրույք |
|---|---|
|
ՀՀ դրամ
|
Ավանդի տոկոսադրույք +3%
|
|
Այլ արժույթ
|
Ավանդի տոկոսադրույք +5%
|
|
|
|
Վարկի
տոկոսագումարները հաշվարկվում են անվանական տոկոսադրույքի հիման վրա, իսկ տարեկան փաստացի
տոկոսադրույքը ցույց է տալիս, թե որքան կարժենա վարկը Ձեզ համար տոկոսագումարները և
այլ վճարները սահմանված ժամկետներում և չափերով կատարելու դեպքում:
Բանկային հաշվի և դրանում առկա միջոցների տիրապետման հաշվետիրոջ իրավունքների սահմանափակումը, ինչպես նաև առանց հաշվետիրոջ կարգադրության հաշվից դրամական միջոցների բռնագանձումը կարող են իրականացվել դատարանի վճռով՝ դատական ակտերի հարկադիր կատարումն ապահովող մարմինների կամ հարկային մարմինների կողմից կայացված որոշումների հիման վրա:
Բանկը «Փողերի լվացման և ահաբեկչության ֆինանսավորման դեմ պայքարի մասին» ՀՀ օրենքով սահմանված` հաճախորդի պատշաճ ուսումնասիրության նպատակով կարող է սպառողից «Ճանաչիր քո հաճախորդին» (Know Your Customer) սկզբունքի հիման վրա պահանջել լրացուցիչ փաստաթղթեր կամ այլ տեղեկություններ, ինչպես նաև բանավոր հաղորդակցման ընթացքում լրացուցիչ հարցեր տալ Հաճախորդին (նման պահանջի առկայության դեպքում):
Համաձայն «Օտարերկրյա հաշիվների հարկային համապատասխանության ակտի» (Foreign Account Tax Compliance Act (FATCA)) հիման վրա ԱՄՆ-ի հետ կնքած համաձայնագրի՝ Բանկը Ձեր՝ ԱՄՆ հարկատու հանդիսանալու հանգամանքը պարզելու համար կարող է իրականացնել լրացուցիչ տեղեկատվության հավաքագրում:
Ավանդի մասին տեղեկությունները ներկայացված են նաև «Ձեր ֆինանսական տեղեկատուն»` www.fininfօ.am ինտերնետային էջում, որը ծառայությունների որոնման, համեմատման և Ձեզ համար ամենաարդյունավետ տարբերակի ընտրությունը հեշտացնող էլեկտրոնային համակարգ է:
Հարգելի՛ Ավանդատու,
Ձեր ավանդի հատուցման երաշխավորողն է Ավանդների հատուցումը երաշխավորող հիմնադրամը (այսուհետև՝ Հիմնադրամ):
Հիմնադրամի գտնվելու վայրը՝ 0010, ք. Երևան, Մ. Խորենացի 15, «Էլիտ Պլազա» գործարարական համալիր, 2-Ա5 սենյակ
Հեռախոսը՝ +374 10 58 35 14
Ինտերնետային կայքը՝ www.adgf.am
Սույն ծանուցման բոլոր սահմանումները համապատասխանում են «Ֆիզիկական անձանց բանկային ավանդների հատուցումը երաշխավորելու մասին» Հայաստանի Հանրապետության օրենքի (այսուհետ՝ Օրենք) սահմանումներին:
Ձեր երաշխավորված ավանդը ենթակա է հատուցման հետևյալ դեպքերում.
- Եթե Հայաստանի Հանրապետության օրենսդրությամբ սահմանված կարգով բանկը ճանաչվում է անվճարունակ, և Հայաստանի Հանրապետության կենտրոնական բանկի (այսուհետ՝ Կենտրոնական բանկ) խորհրդի որոշմամբ հաստատվում է բանկի կողմից օրենքով և պայմանագրերով սահմանված ժամկետներում ավանդները վերադարձնելն ի վիճակի չլինելու փաստը, կամ
- Եթե Հայաստանի Հանրապետության օրենսդրությամբ սահմանված կարգով բանկը սնանկ է ճանաչվում (այսուհետ՝ անվճարունակ բանկ):
Ավանդների երաշխավորվող սահմանաչափերը հետևյալն են՝
Ավանդի արժութային կառուցվածքը |
Եթե նույն բանկում ունեք միայն դրամային ավանդ |
Եթե նույն բանկում ունեք միայն արտարժութային ավանդ |
Եթե նույն բանկում ունեք և ՀՀ դրամով, և արտարժույթով ավանդ |
Եթե նույն բանկում ունեք և ՀՀ դրամով, և արտարժույթով ավանդ |
|
Եթե դրամային ավանդը 7 միլիոն դրամից ավելի է |
Եթե դրամային ավանդը 7 միլիոն դրամից պակաս է |
|||
|
Ավանդի երաշխավորման առավելագույն չափը |
16 միլիոն ՀՀ դրամ |
7 միլիոն ՀՀ դրամ |
16 միլիոն ՀՀ դրամ (երաշխավորվում է միայն դրամային ավանդը) |
7 միլիոն ՀՀ դրամ (երաշխավորվում է դրամային ավանդն ամբողջությամբ և արտարժութային ավանդը՝ 7 միլիոն դրամի և հատուցման ենթակա դրամային ավանդի տարբերության չափով) |
Ձեր՝ նույն բանկում ունեցած բոլոր դրամային ավանդները համարվում են մեկ դրամային ավանդ, բացառությամբ չերաշխավորված ավանդների, և Ձեր՝ նույն բանկում ունեցած բոլոր արտարժութային ավանդները համարվում են մեկ արտարժութային ավանդ, բացառությամբ չերաշխավորված ավանդների:
Եթե Դուք անվճարունակ բանկում ունեք առանձին բանկային ավանդ և միևնույն ժամանակ նույն բանկում ներդրված համատեղ բանկային ավանդի սեփականատեր եք ապա երաշխավորվում է Ձեր առանձին բանկային ավանդի և համատեղ բանկային ավանդում Ձեր մասնաբաժնի հանրագումարը՝ Օրենքով սահմանված կարգով և չափով:
Եթե Դուք անվճարունակ բանկի նկատմամբ ունեք պարտավորություն, ապա հատուցման ենթակա գումարը կհաշվարկվի Ձեր բանկային ավանդի և պարտավորության դրական տարբերության հիման վրա՝ Օրենքով սահմանված կարգով և չափով:
Երկու կամ ավելի ավանդատուների համատեղ բանկային ավանդը համարվում է յուրաքանչյուր անձի առանձին բանկային ավանդ, ավանդատուի՝ պայմանագրով սահմանված մասնաբաժնի չափով: Եթե պայմանագրով սահմանված չեն համատեղ բանկային ավանդի ավանդատուների մասնաբաժինները, ապա համատեղ բանկային ավանդն ավանդատուների միջև բաժանվում է հավասարաչափ:
Բանկային ավանդի հատուցումը կատարվում է միայն հայկական դրամով: Արտարժութային բանկային ավանդի դրամական համարժեքությունը որոշվում է հատուցման դեպքը տեղի ունենալու օրվա դրությամբ Կենտրոնական բանկի հրապարակած՝ արժութային շուկաներում ձևավորված միջին փոխարժեքով:
Ձեր բանկային ավանդը չի հատուցվում, եթե հատուցման դեպքը տեղի ունենալու օրվա դրությամբ այդ ավանդը պակաս է 1,000 հայկական դրամից:
Ձեր բանկային ավանդը երաշխավորված չէ, եթե՝
ա) Դուք հանդիսանում եք տվյալ բանկի ղեկավար և (կամ) վերջինիս ընտանիքի անդամ,
բ) Դուք հանդիսանում եք տվյալ բանկում նշանակալից մասնակցություն ունեցող անձ և (կամ) վերջինիս ընտանիքի անդամ,
գ) Դուք, որպես ավանդի սեփականատեր (համասեփականատեր), հրաժարվել եք ավանդի` Ձեր մասի նկատմամբ սեփականության իրավունքից,
դ) Ձեր ավանդն օրենքով և այլ իրավական ակտերով սահմանված կարգով ճանաչվել է հանցավոր ճանապարհով ձեռք բերված դրամական միջոց, քանի դեռ Դուք հակառակը չեք ապացուցել,
ե) Ձեր ավանդը տվյալ բանկում ներդրվել է բանկային ավանդի ներդրման պահին տվյալ բանկի կողմից հրապարակային պայմանագիր կնքելու առաջարկով նախատեսված նմանատիպ բանկային ավանդների տոկոսադրույքն առնվազն 1,5 անգամ գերազանցող տոկոսադրույքով,
զ) Ձեր ավանդը ներդրված է բանկի՝ Հայաստանի Հանրապետության տարածքից դուրս գործող մասնաճյուղերում:
Հատուցման դեպքի օրվան հաջորդող երեք աշխատանքային օրվա ընթացքում Հիմնադրամը հայտարարություն է հրապարակում հատուցման դեպքի մասին: Հատուցման դեպքի օրվան հաջորդող երեսնօրյա ժամկետում Հիմնադրամը անվճարունակ բանկի կամ այլ բանկի միջոցով, սկսում է իրականացնել Ձեր ավանդների հատուցման գործընթացը: Գործընթացը սկսվում է զանգվածային լրատվական միջոցներում հատուցման վերաբերյալ Հիմնադրամի կողմից լրացուցիչ հայտարարություն հրապարակելու պահից: Դուք կարող եք գրավոր պահանջ ներկայացնել ոչ ուշ, քան հատուցման դեպքի օրվան հաջորդող մեկ տարվա ընթացքում: Նշված ժամկետում Ձեր կողմից գրավոր պահանջ չներկայացնելու դեպքում Հիմնադրամի կողմից Ձեր երաշխավորված ավանդի հատուցում չի իրականացվի: Հիմնադրամը պարտավոր է իրականացնել ավանդատուների պահանջներով հատուցումները` գրավոր պահանջը ներկայացնելու oրվան հաջորդող երեք ամիuների ընթացքում, բացառությամբ Օրենքով նախատեuված դեպքերի:
Երաշխավորված ավանդի գումարի հատուցումից հետո անվճարունակ բանկի հանդեպ Ձեր ունեցած դրամական պահանջը հատուցված գումարի չափով համարվում է բավարարված: Հատուցման չափը գերազանցող գումարը համարվում է անվճարունակ բանկի պարտավորությունը Ձեր նկատմամբ:
Ձեր ավանդի հատուցումն առավել սահուն իրականացնելու նպատակով առաջարկում ենք ավանդի ներդրման ժամանակ Ձեր կողմից բանկին տրամադրված տվյալների (անձը հաստատող փաստաթղթի տվյալներ, սոցիալական ապահովության քարտի տվյալներ, հասցե, հեռախոսահամար և այլն) ցանկացած փոփոխության դեպքում այդ մասին անմիջապես տեղեկացնել բանկին:
