Byblos Mobile մոբայլ հավելվածով այժմ կարելի է այլ բանկերի հաճախորդներին կատարել ակնթարթային փոխանցումներ դրամով՝ ArcaPay համակարգի միջոցով։

Փոխանցման համար պարզապես անհրաժեշտ է նշել ստացողի հեռախոսահամարը (կամ հեռախոսի կոնտակտներից ընտրել այն)` առանց քարտի թվերը կամ հաշվեհամարն իմանալու անհրաժեշտության։

Ծառայությունը հասանելի է Byblos Mobile հավելվածում և Բանկի Հաճախորդներին հնարավորություն է տալիս կատարելու ակնթարթային փոխանցումներ բոլոր այն բանկերի հաճախորդներին, որոնք նույնպես միացել են ArcaPay համակարգին։

Փոխանցում կարելի է կատարել ընթացիկ, խնայողական և քարտային հաշիվների միջև՝ յուրաքանչյուր փոխանցման համար 0% միջնորդավճարով (մինչև 2026 թ․ դեկտեմբերի 31-ը), իսկ Բիբլոս Բանկ Արմենիայի հաճախորդներին գումար փոխանցելիս ծառայությունն անվճար է։

Հաճախորդները կարող են նաև Byblos Mobile հավելվածի «Կարգավորումներ» բաժնում Բիբլոս Բանկ Արմենիան ընտրել որպես հիմնական բանկ՝ այլ բանկերից հեռախոսահամարով փոխանցումներ ստանալու համար: